السؤال ده اكيد في وقت جه في بالك هو ليه مصر متطبعش فلوس كتير ويدوها للناس الفقراء, فين المشكلة لما البلد تعمل كده ؟
لو سألت نفسك السؤال ده او مسألتش فهو سؤال عميق عميق ولازم نجاوب عليه ؟
الاجابة هنا صعب جدا اي دولة تعمل كده لان طبع النقود مش سهل اوي زي مالناس متخيلة , ولو الدولة عملت الاقتراح ده احب اقولك ان النتيجة كارثة تقريبا يعني ,,,, تعالي افهمك ازاي ؟
تخيل معى الموضوع كده , انا مثلا (مستهلك ) فقير مرتبي 100 جنيه بجيب الحاجات الاساسية بالعافية الدولة بقي فجأة اداتك 1000 جنيه شهريا , انا هعمل ايه ؟؟ اكيد هروح اشتري الحاجات اللي كان نفسي اشتريها واللي مكنتش بشتريها قبل كده, والفلوس هتكتر في السوق جدا وبالتالي تفقد قيمتها .
عارف ليه النقود هتفقد قيمتها عشان كل الناس بقي معاهم فلوس وهيروحو يشتروا فالاسعار هترتفع بجنون والعملة هتفقد قيمتها بصورة ضخمة جدا لدرجة ان ال 1000 اللي خدتهم مش هيشتروا اللي كان ال 100 بيشتروه , والاسعار بتتميز بالمرونه في الارتفاع والجمود في الانخفاض يعني من الاخر الاسعار بتطلع ومبتنزلش تاني الا بكارثة او كساد او ان الدولة تغير العملة والعياذ بالله .
عشان كده صعب جدا ان اي دولة تطبع نقود الا اذا كانت مضطرة
تعالي بقي المنتج : المنتج ده يا سيدي عارف بيبيع كل سنة اد ايه , وكل سنة بينتج مثلا 100 وحدة وبيبعها بالسعر اللي بيكسبة , تخيل معايا بٲي ال 100 واحد اللي كانوا بشتروا بقوا 10000 مره واحدة , طبعا المنتج حتي لو انتج اضعاف انتاجه مش هيقدر يكفي الناس ديه كلها فالسعر هيطلع فوق اوي اوي اوي
